最高聯盟

如果你是絕世好筆,這裡歡迎你的文章

如果你比王家衞更能捕足畫面,這裡歡迎你的視覺世界

如果你比Ming仔更愛旅遊,這裡歡迎你分享體驗

eunice on the road

Angor Wat · CambodiaㅣSummer afternoon

神之眼睛?!

一直都好鍾意我呢位朋友Eunice去旅行時影返唻嘅相,每次睇完佢啲相我都好想講粗口,人哋去旅行你又去旅行,點解人家揸部手機都影得咁鬼靚。有見及此,分別去學過1次單反攝影班及2次手機攝影班。結果?!只能夠講人哋有神之眼睛,而我…都係唻個開心share仲開心囉!

Golden CircleㅣWinter evening

想知點樣用手機影成咁?

大家可以去佢個fan page度比吓liked或PM佢,我相信喜歡交朋結友嘅Eunice都會同你分享研究。忍唔住分享多張先… 😛 https://www.facebook.com/euniceontheroad/

Iceland ReykjavikㅣMorning  

自私、付出與平衡 – 人生非常重要的感悟

cover_2_edit_1221256868495424913.jpeg

今日有一個非常重要嘅人生感悟,我發現人生好難喺自私、付出、平衡呢三個點獲取真正嘅平衡,因為種種人生嘅難題與挑戰,好多時會令我哋失去平衡。

關於自私:我認為自私係應該嘅,因為如果一個人生活得唔快樂及滿足,基本上冇辦法去諗其他人,然後學識無條件嘅付出。基於呢個條件….我哋只需要學會明白,所謂嘅個人滿足係來自於個人欲望?定係終身嘅快樂及豐足原來係源於利他?

如果係來自於個人嘅慾望,我建議大家可以問自己一個問題……每次我滿足咗個人嘅慾望後,係咪真係獲得永久性嘅心靈滿足及快樂?

關於付出:由於我一直相信人性本善,所以認為人之所以為人….係會透過實現自我及貢獻他人而感到快樂及豐足。但係好可惜嘅係,我哋好多時候喺生活中好難喺呢幾方面達到平衡。原因係我觀察到好多人,佢哋通通都好想付出及關懷身邊嘅人,但係佢哋嘅生活基於經濟條件係冇辦法做到無條件嘅付出,所以我體會到生活如何得到平衡先係最重要嘅重心。可以嘗試問問自己:我係咪喺感到滿足嘅同時又能夠無條件嘅付出?

關於平衡:做咗咁多年人,我發現學習如何平衡真我及關顧他人係非常重要嘅生活課題,因為有好多時候我哋會感到違背真我及讓他人快樂及滿足之中…極難獲取平衡。

今日我想分享呢個好重要嘅體會,如果想獲得平衡,其實方法極簡單。原來…

只要唔傷害他人,同時又滿足到自己,呢個已經係平衡。

PS:人生係…每日積極學習如何實現真我及貢獻他人嘅過程,至於在意他人嘅想法及蜚言蜚語根本係自尋煩惱,因為每個人嘅性格及特質都唔同,所以每個人發揮所長及見解亦都會唔同,尊重自我及貢獻他人就係生命中最重要嘅事情。

#若要人似我除非兩個我

#真正嘅快樂源於無條件嘅愛

認識新朋友

snoopy new friend.jpg

星期日嘅我係一個不節不扣嘅宅女,唔知點解越大越需要獨處嘅時間。今日如常咁落街食lunch,侍應見我一條友,好快就安排咗我去坐喺個女仔對面。竟然見到個女仔又係用「光速Look Mon法」咁睇部手機,喺極大好奇心下就問佢:我而家嘅工作要做marketing嘢,你介唔介意話我知點解你look得咁快都睇到?咩情況先會停低唻睇呢?

食客:以個人唻講,見到張圖啲顏色係粉色系列就會停低睇睇,見到啲深色就一定飛過。

我:咁你多數睇邊個social media?

食客:通常睇facebook同IG囉。

之後我哋傾咗成兩個幾三個鐘關於而家香港嘅工作環境,然後又講吓比我知以前做航空業嘅嘢,開開心心吹吓閒水咁就識咗個新朋友。雖然人越大防人之心就自然會越重,其實只要自己個心願意打開,每一日都可以有新嘅input又有乜唔好呢?

#天生一把撩人口

#男女老幼的故事

9成離婚是誤解

Misunderstanding

攻讀調解員的朋友告訴我,她老師說9成的離婚是「誤解」。想不到過了一段時間,另一位朋友的故事正好引証這位調解員老師的教學…

朋友A告訴我他跟伴侶B最近的一次吵架,A已傷心到無言以對,心如死灰。然後像自說自話的問:「這麼多年到底為了甚麼?」

B曾經出軌背叛A幾次,而每次A基於真心愛B及理解他童年的悲痛及成長中的無助,就算委屈也想要給他一個溫暖的家。而這次吵架已到到A的臨界點,分開這事實亦近在咫尺。A說:「有些話真的比”粗口”更難聽!聽了就是聽了,沒辦法當沒聽過。」

雖然我理解在吵架的人沒什麼好話講,但聽了以後也不知道怎樣再幫B說話了,確實一刀插得血淋淋的在A心上…多簡單的話卻充滿重量。所以聽多了這些故事加上過去的經驗,就不知道從何時開始,自己也變得寧願不說話也不想說傷害人的話!對話是這樣的…

B: 你從來都不支持我

A: 沒支持你?這麼多年的難關不是我協助你一起跨過的?沒所謂,反正我已習慣苦的就由我來吃,甜的就留給你外面的女人

B: 那你應該好好檢討自己

A: 對!是我自己選的,所以現在醒了想放過你,也放過大家。

A: ……(無言而對,他不想分開但話卻傷人)

其實類似的對話我聽了很多次,只能說他們從來沒有真正的溝通,說出口的全是氣話。聽著聽著覺得很可惜,建議他們花點錢去找心理輔導幫個忙,因為兩個人我也認識也聽過他們的內心話,根本不是這樣。

在我看來他們的對話是這樣的…

B: 我需要你的支持,對我來說很重要

A: 我也是,只想你疼我、哄我

B: 我感覺自己說的,你好像沒聽進心裡,有被忽略的感受

A: 我也是很委屈,做了的支持好像被你否定。感覺很難受,我需要你的肯定。

#若要人似我除非兩個我
#修煉同理心
#夕陽無限好只是近黃昏
#NLP說的filter正是這樣

三角戀很合理?

合理化的三角戀

之前和朋友吃午飯,她告訴我跟丈夫一起生活已經7年,不過只能當個生活伙伴,然後現在也有一個「小鮮肉」男友。基於好奇心驅使,我展開了這樣的一段對話…

方:為什麼不終止了這段關係才開始另一段愛情?會不會有背叛的感覺呢?

朋友:不會,他只是親人,而且他之前也搞外遇啊!怎知他現在還有沒有?!

方:這裡有報復的心態嗎?

朋友:沒有,只是覺得現在開心就好

方:現在的男朋友知道你已婚嗎?

朋友:知道啊!他也覺得快樂就好

方:既然老公只是親人,為什麼不讓他知道?或許商討用open relationship來進行現在的關係?畢竟這樣的關係在外國也開始流行,至少雙方也可開誠布公

朋友:可能他接受不了,會覺得沒面子。而且跟丈夫的關係只是伙伴,現在小男友卻得到愛情的感覺,一切很美滿!不需要改變

對於現在扭曲的愛情關係,我確實無法理解,或許自己比較老土,覺得愛一個人最基礎就是忠誠,不要作這種背叛讓對方受傷,而且當初不是簽了合同嗎?就算已經不愛了並需要毁約,這也不是問題,只要溝通好然後結束這段關係,才開始另外一段…不是嗎?

#扭曲的價值觀
#合理化地背棄自我忠誠才是硬傷
#道德標準太高?
#愛也需要被尊重

性玩具商店對談

`Angelina
話說最近簽咗個客,主要賣電子煙同Sex toys. 對話係咁開始…

我:點解啲客會識唻搵你哋買電子煙嘅?話晒呢個位置唔係大街,你喺邊度賣廣告?

客:google search, fb, 仲有啲咸網…

我:咸網?外國嗰啲?(本人係知道有個外國咸網叫pornhub😁😁)

客:唔係,本地嗰啲

我:本地有咸網嘅咩?

客:有,叫雞嗰啲呀!

我:係?叫咩名?(發現新大陸,立即好奇到當住佢面開個safari)

客:141呀!

我:咁喺呢啲咸網做廣告反應好唔好?

客:好㗎!

我:你點知?唔通你問個客…你喺邊度睇到我哋?然後個客又會話…哦!睇咸網時睇到嘅咁
(其實一路講我一路想像到個情況好很好笑,已經笑到條氣唔多順)

客:咁我哋嗰輪啲生意額會反影到個廣告效果嘛

好奇寶寶底嘅我,忍唔住又問埋…

我:啲假「很」大碌到我成條手臂咁,咩人會買?

客:咁就唔係好知,通常寄貨多,仲要寄澳門多。

我:估唔到澳門客咁識食!我又問…咁你做咁耐覺得令你最難明嘅客係點樣?

客:日本啲AV女優閃咭會有人買,最近賣出一盒係…閃咭連女優個bra帶扣,港幣15000賣出,個客買到仲好開心咁

我:😱😱😱😱😱😱😱😱 咁唻買嘅係咪一望就知係宅男?龍友?

客:又唔係喎!有啲幾靚仔

我:吓!可能炒炒賣賣賺錢啫!

客:😏靚仔就係炒賣,你呢啲咪外協

我:……..(我心諗,你哋見到啲女神咪又係覺得好純冇機心…超!做咩話我喎!😪)

後感…

識得我耐嘅朋友就會知,我係打從心底咁鍾意做銷售,每日都可以見到唔同人,同唔同人傾吓計又可以賺到錢,到底有咩唔好?

所以唔明點解啲人會有啲乜鬼洗腦論,如果成個世界嘅供應商只係賣一款嘢,你可以有其他選擇咩?你生活會有咁多方便咩?

我只可以講,唔係人人帶住純利益心唻營運自己嘅生活,總有啲人係例外,至少我認為自己就係嗰個例外😁。建議大家買嘢時搞清楚自己係「慾望型」定「需要型」消費,就唔會亂洗咗錢又拎返屋企阻地方。地球先生已經病咗喇😔

#快樂的一天
#你以為我在工作其實我在玩
#你以為我在玩其實我在工作

PaPa-Shek Mun 釀蘑菇好好食

之前喺fb見到呢間PaPa賣廣告,難得今日去開石門即管去會一會佢先。

睇個門面啲色調感覺幾舒適,入去見到一班年輕人充滿青春氣息,招呼我坐低就遞上set lunch menu過我. Hm….作為一位素食者見到有2款菜式專為我哋而設,可見老闆考慮到越唻越多後生已轉投素食懷抱。我揀咗釀大啡菇冇揀pasta,因為去親餐廳都總會遇到黑松露雜菌意粉,反而釀大啡菇唔係間間都例牌有。呢個main course好食嘅地方係釀啡菇唔止十分juicy,重點係釀上去嘅雜菜散發住陣陣嘅香草味,本人至愛。

朋友叫咗份香蜜豬柳,不過朋友話乾咗少許,如果控制得好個燒烤時間,佢話以呢個味道佢會好鍾意。整體唻講,我覺得以一般西餐lunch價,唻開石門會員再唻幫襯。

素·guiDe·旅子